एसियाली ऋण महासङ्घबाट सिल्भर मेडल पाएको तथा नेपाल बचत तथा ऋण केन्द्रीय सहकारी सङ्घ लि। नेफ्स्कून बाट नेपालको सर्वोत्कृष्ट बचत तथा ऋण सहकारी संस्थाको रुपमा पुरस्कृत किसान कल्याण बचत तथा ऋण सहकारी संस्था लिमिटेड र बिगत ९ बर्ष देखी इटहरी उपमहानगरपालिक वडा न. ८ मा सञ्चालनमा रहेको जनता बचत तथा ऋण सहकारी संस्था लि। सँग एकीकरण भई २०७७ साल पौष ०५ गते आईतवारदेखी एकीकृत कारोबार गरी सुनसरी जिल्लाको सहकारी एकीकरणमा पहिलो सफलता पाएको छ । हाल आएर किसान कल्याण साकोसको आठौँ सदस्य सेवा केन्द्रका रूपमा जनता बचत तथा ऋण सहकारी संस्था लि. भएको कार्यालय स्थापित भएको छ ।
प्रदेश सहकारी एेन २०७६ को दफा ७२ र प्रदेश सहकारी नियमावली २०७६ को नियम २७ अनुसार सम्पूर्ण प्रक्रिया पूरा गरी आएकाले प्रदेश रजिस्ट«ारको कार्यालयको २०७७ पौष २३ गतेको निर्णय अनुसार एकीकरणकार्य सम्पन्न भएको छ ।
किसान कल्याण साकोसका एकीकरण अघि सेयर सदस्य ११०१४ बाल बचतकर्ता २१२५ र ज्येष्ठ नागरिक बचतकर्ता ५५१ जना गरी जम्मा १३६९० सदस्य भएको किसान कल्याण साकोस र सेयर सदस्य सख्या १११५ बाल बचतकर्ता २९ भएको जनता साकोस एकिकरण पश्चात् हाल आएर सेयर सदस्य सङ्ख्या १२१२९ बाल बचतकर्ता २१५४ ज्येष्ठ नागरिक बचतकर्ता ५५१ जना गरी जम्मा १४८३४ जना सदस्य हुनु भएको छ भने एकिकरण पश्चात् संस्थाको कुल पुंजी ७८ करोड पुगेको छ ।
लामो समय देखि संस्था एकीकरणका लागि विभिन्न छलफल पश्चात् सफलता मिलेको छ । देशभरि सहकारीको सङ्ख्यामा वृद्धि हुनुभन्दा हाल प्रतिस्पर्धात्मक समयमा मिलेर काम गर्दा सदस्यहरूलाई बढी भन्दा बढी सेवा सुबिधा दिने सकिने धारणाका साथ किसान कल्याण तथा जनता साकोस एकीकरण भई आगामी दिनमा अन्य सहकारी संस्थाहरु पनि एकिकरण अभियानमा साहभागी बनाउने किसान कल्याण साकोस को उद्देश्य रहेको छ ।
