किसान कल्याण साकोस डिजिटल बैङ्किङ सेवामा एक कदम अगाडी

किसान कल्याण बचत तथा ऋण सहकारी संस्थाका सदस्यहरूकालागि अब समय र श्रमको बचत हुने भएको छ । यस संस्थाले आफ्ना सेयर सदस्यहरूको सुविधाको लागि घरमा नै बसीबसी आफ्नो बचत खाताको पैसाबाट बैङ्क भुक्तनी गर्न सकिने भएको छ । यस संस्थाको मोबाइल बैङ्किङ एप्लिकेसन मार्फत नेपालका जनुसुकै बैङ्कको बैङ्क खातामा रकम जम्मा गर्न सकिने छ । विगतका बर्ष देखि नै मोबाइल बैङ्किङ सेवा प्रदान गर्दै आएको यस संस्थाले उक्त मोवाइल बैङ्किङ सेवामा बैङ्क ट्रान्सफरको सुविधा भने यही मिति २०७७ माघ २५ गतेदेखि थप गरेको हो । विगतमा संस्थाको उक्त मोबाइल बैङ्किङ सेवा बाट NTC,NCELL,  Smart Celll, Prepaid,  post  paid  TOPUP, UTL, CDMA  विल भुक्तानी, खानेपानी विल भुक्तानी, विद्युत विल भुक्तानी, इन्टरनेट बिल भुक्तानी, Land line विलभुक्तानी, हवाइ टिकट काट्न सकिने गरी एप्लिकेसन विकास गरेकोमाअव उक्त सेवाहरूको अतिरिक्त एप्लिकेसन मार्फत कुनै पनि बैङ्क खातामा रकम रकमान्तर गर्न सकिने विशेषता पनि अध्यावधिक गरेको छ । यस सेवा बाट मोबाइल बैङ्किङ सेवा लिने सेयर सदस्यहरूले कुनै पनि व्यक्तिको बैङ्क खातामा रकम जम्मा गर्न बैङ्क सम्म धाउनु पर्ने झन्झट हट्नुकोे साथै समय तथा श्रमको पनि बचत हुने भएको छ । यो सेवामार्फत सदस्यहरू जुनसुकै ठाउँमा भएपनि बैङ्कमा उपस्थित नभई बैङ्क जम्मा गर्न सकिने छ । यो सेवा लिन चाहाने सेयर सदस्यहरूले संस्थामा उपस्थित भई मोबाइल बैङ्किङ सेवा लिने सम्बन्धमा निवेदन दिए पश्चात संस्थाबाट सदस्यको मोबाइल नं. मा युजर नेम र पासवर्ड म्यासेज हुनेछ र उक्त युजरनेम र पासवर्ड संस्थाको मोबाइल बैङ्किङ एप्लिकेसनमा राखेर लग इन गरी सेवा लिन सकिने छ । मोबाइल बैङ्किङ एप्लिकेसन गुगल प्ले स्टोरबाट डाउनलोड गरी कुनै पनि एन्ड्रोइड फोनमा इन्स्टल गर्न सकिनेछ । यो सेवा संस्थाले सेयर सदस्यहरूलाई पहिलो पटक सेवा लिँदा निःशुल्क उपलब्ध गराउदै आएको छ, भने त्यस पश्चात प्रत्येक वर्ष रू.२५० नविकरण शुल्क लिने गरेको छ । बैङ्क ट्रान्सफारमा भने रू.५०० सम्म ट्रान्सफर गर्दा रू.५, रू.५०१ देखि रू.५००० सम्म ट्रान्सफर गर्दा रू.१० र रू.५००१ देखि रू.५०,००० सम्म ट्रान्सफर गर्दा रू.२० ट्रान्सफर सुल्क लाग्ने छ भने एक पटकमा अधिकतम रू.५०,००० सम्म र दिनमा बढीमा २ पटक सम्म मात्र बैङ्क ट्रान्सफर गर्न सकिने छ ।