सफलताको कथा

रामधुनी ५
सेयर सदस्य नम्बर ३१२३
काशीराम चौधरी हो । म हाल रामधुनी नगरपालिका ५ झुम्कामा बस्छु । मेरो ६ जनाको परिवार छ । मलाई मेरो घरपरिवारको गारो खाँचो टार्न लाई निकै नै कठिन भएका कारणले म १२ वर्ष बिदेशी भुमीमा श्रम बेच्दा पनि मेरो परिवारको आर्थिक अवस्था सुधार हुन सकेन र निराश हुँदै आफ्नै मातृभूमिमा केही गर्ने अठोटका साथ नेपाल फर्के । मैले यस सहकरी संस्थाको सदस्यता २०६९ सालमा लिएको हुँ । संस्थामा सदस्यता लिदै गर्दा म झुम्का क्षेत्रमा के पेशा व्यवसाय गर्ने भनेर चिन्तित भइरहेको थिएँ । मलाई एकाएक कोल्ड ड्रिङ्क्सको खुद्रा पसल गर्ने मन आयो र घरमा भएको रु ८००००। रकमले कोल्डस्टोर व्यवसाय शुरु गरे । त्यसपछि मेरो व्यवसायको बिक्री राम्रै हुन थाल्यो र व्यवसाय विस्तारका लागि वित्तको स्रोत खोज्ने क्रममा म किसान कल्याणमा ऋण माग गर्न पुगे किसान कल्याण साकोसमा मैले पहिलोपटक रु पाँच लाख लिएर त्यो खुद्रा पसललाई होलसेल पसल बनाए साकोस बाट लिएको रु पाँच लाख ऋण मैले ६ महिनामा नै चुक्ता गर्न सफल भए त्यसबेला मेरो व्यवसाय एक सटरमा मात्र सीमित थियो पुन व्यवसाय विस्तार गर्न मैले संस्थाबाट रु १५ लाख ऋण लिए अघिल्लो ऋणको किस्ता र मेरो व्यवसायको सफलताको कारणले ऋण तिराइका आधारमा संस्थाले मलाई कति पनि हिचकिच नगरी सहर्ष ऋण प्रदान गर्यो । बिस्तारै बिस्तारै मेरो व्यवसाय वृद्धि हुँदै गयो र ग्राहकको पनि आवश्यकता परिपूर्ति गर्ने क्रममा हाल दुईवटा गाडीमा मार्फत सुनसरी जिल्ला भर र उदयपुर जिल्लाको केही क्षेत्रमा बिक्री वितरण गर्न थालेको छु । मेरो झुम्कामा रहेको पसल मेरी श्रीमतीले चलाउँदै आइरहेकी छिन् भने म गाडीमा हिँड्ने गरेको छु ।
सुरुमा भाडामा सुरु गरेको व्यवसाय हाल सोही ठाउँमा रामधुनी ५ मा जग्गा किनेर घर निर्माण गरी आफ्नै घरमा व्यवसाय संचालन गर्न सक्षम भएको छु । यो सबै सम्भव किसान कल्याण साकोसले गर्दा नै भएको हो । मेरा एक छोरा र एक छोरीलाई निजी विद्यालयमा बढाउन सफल भएको छु भने वित्तीय समस्या बाट म टाढा रहेको छु । यस संस्थाले लगाएको गुण म कदापी बिर्सिने छैन । म यस्ता प्रती हार्दिक धन्यवाद ज्ञापन गर्दै उत्तरोत्तर प्रगतिको कामना गर्दछु ।