किसान कल्याण बचत तथा ऋण सहकारी संस्था लिमिटेड इटहरीको आज २६ औं स्थापना दिवस सम्पन्न भएको छ ।
सहकारी महासंघ नेपालका उपाध्यक्ष रमेशप्रसाद पोखरेलको प्रमुख आतिथ्यता तथा किसान कल्याण बचत तथा ऋण सहकारी संस्था लिमिटेडका अध्यक्ष शालिकराम ढकालको अध्यक्षतामा स्थापना दिवस सम्पन्न भएको हो ।
सहकारी संस्थाले स्थापना दिवसको अवसर पारेर विभिन्न विधामा उत्कृष्ट कारोबारका आधारमा सेयर सदस्यहरुलाई सम्मान समेत गरेको छ ।
एशियाली ऋण महासंघबाट एक्सेस ब्राण्ड सिल्भर मेडल समेत प्राप्त गर्न सफल भएको सुनसरी जिल्लाकै सर्बोउत्कृष्ट सहकारी संस्था बिश्वको सहकारी अभियानमा समर्पित वितिय कारोबार गर्ने संस्थाको रूपमा परिचित हुन सफल भएको छ।
सम्मान तथा पुरस्कार बितरणको अवसरमा ग्रिन कार्ड प्रदान दुई जना, फरक क्षमता सम्मान एक जना, उत्कृष्ट जेष्ठ नागरिक बचतकर्ता एक जना ,उत्कृष्ट बाल बचतकर्ता दुई जना,उत्कृष्ट लघुवित्त केन्द्र तीनवटा , उत्कृष्ट सदस्य विस्तारमा योगदान पुर्याउने ६ जना ,उत्कृष्ट उद्यमी दुई जना ,उत्कृष्ट व्यवसायी दुई जना, उत्कृष्ट पशुपालन सदस्य एक जना , उत्कृष्ट नगदेबाली सदस्य एक जना, उत्कृष्ट नियमित पन्द्र जना र ऐच्छिक बचतकर्ता पन्द्र जना ,बढी पटक सेयर खरिद गर्ने दुई जना ,उत्कृष्ट ऋणी तेर्ह् ,सम्पुर्ण कारोबारका आधारमा उत्कृष्ट सेवा केन्द्र लगायतका विद्यामा गरी जम्मा ७२ विद्यामा सम्मान गरेको छ ।
प्रमुख अतिथी ले संस्था बित्तिय क्षेत्रमा महत्वपूर्ण योगदान गरेको बिश्व जगतमा सहकारीको मुल्य र मान्यता को आधारमा संचालनमा आएको उदाहरिणिय संस्था रहेको बताउनु भयो साथै आर्थिक क्रान्तिका लागि अबका दिनमा सदस्यले आफ्नो घरपरिवारलाई मात्र नभएर देशको लागि पुग्ने खालको उत्पादन मुलक कार्यमा लागिपर्न उपस्थित सेयर सदस्यलाई सल्लाह दिनुभयो ।
सो कार्यक्रमका अध्यक्ष शालिकराम ढकालले पुरस्कार पाउने सदस्यलाई आगामी दिनमा अझ बढी सफल हुन तथा सेवा केन्द्रलाई आगामी दिन पनि अझ बढी सफल हुन शुभकामना दिनु भएको थियो ।
२०५८ सालमा स्थापना भई सञ्चालन हुदै आएको किसान कल्याण साकोसले स्थापना काल देखी नै सदस्यहरुलाई बिभिन्न समयमा आफना सदस्यहरुका लागि विभिन्न किसिमका वचत कार्यक्रमहरु सञ्चालन गरेको छ ।
सो कार्यक्रम संस्था कि कोषाध्यक्ष गोमा गिरी ले सन्चालन गर्नु भएको थियो ।
स्थापनाकालमा भएका बिभिन्न आर्थिक समस्याहरु पार गर्दै हाल संस्थाले कृषि तथा पशुपालन ,व्यापार व्यवसाय , औद्योगिक , सवारी साधन , बैदेशिक रोजगार, सामाजिक आकस्मिक ,घर जग्गा खरिद तथा निर्माण ,शैक्षिक अध्ययन र विद्युतिय सामान खरिद शिर्षकमा ऋण प्रवाह गरिरहेको संस्थाका उपाध्यक्ष नरेन्द्र कुमार श्रेष्ठको भनाइ रहेको थियो ।
संस्थासँग सदस्यहरुको निरन्तर कारोबार गर्न प्रोत्साहित गर्न, सामाजिक सम्बन्ध बिकास गर्न र सदस्यलाई संस्था प्रती साकात्मक बनाउन किसान कल्याण साकोसले संस्थाको ठम्याइ रहेको छ । आगामी दिनमा यस्ता कार्यक्रमलाई निरन्तरता दिन संस्थाको योजन रहेको छ ।
