आज मिति २०७८ माघ १५ गते सहिद दिवसको अवसरमा नेपालको सर्बोउत्कृष्ट बचत तथा ऋण सहकारी संस्था, किसान कल्याण बचत तथा ऋण सहकारी संस्था लि को आयोजना तथा नेपाल रेडक्रस सोसाइटीको प्राविधिक सहयोगमा रक्तदान कार्यक्रम सम्पन्न भएको छ । रक्तदान कार्यक्रम संस्थाको मुख्य कार्यालय इटहरी १६ बालग्राम को प्राङ्गणमा भएको थियो । सो कार्यक्रममा ८३ जना रक्तदाताको सहभागीता रहेको थियो जसमध्ये ७६ जना पुरुष र ७ जना महिलाको सहभागीता भएको थियो ।
सो कार्यक्रम किसान कल्याण साकोस का सञ्चालक समिति सदस्य तथा प्रेम बहादुर बस्नेतको संयोजकत्वमा सञ्चालन भएको थियो । कोबिड १९ को नयाँ भेरियन्ट ओमिक्रोम भाइरसको कारणले रगतको अभाव हुन सक्ने सम्भावना लाई मध्यनजर गरी यस अगाडिका रक्तदान कार्यक्रम भन्दा बढी रक्तदाता उपस्थित गराउने लक्ष्य सहित यो कार्यक्रम प्रभावकारी रूपमा सञ्चालन गरेको थियो । रक्तदान कार्यक्रम सञ्चालन गर्नु भनेको एउटा परोपकारी कार्य भएकोले यो कार्यक्रम लाई प्रभावकारी रूपमा सञ्चालन गर्न संस्थाले निरन्तरता दिँदै जाने कुरा संयोजक बस्नेतले बताउनुभयो।
संस्थाका सञ्चालक समिति अध्यक्ष, संचालक समिती सदस्य, सेयर सदस्य, प्रमुख कार्यकारी अधिकृत, शसस्त्र प्रहरी, जनपथ प्रहरी तथा विभिन्न समाजिक व्यक्तित्व हरुको सकृय सहभागिता रहेको थियो ।
हरेक सामाजिक कार्यमा किसान कल्याण साकोसको सहभागी हुने संस्थाको लक्ष्य अनुसार यस्ता सामाजिक कार्यक्रम सन्चालन गर्दै सामाजिक कार्यमा जहिले एक कदम अगाडि हुने साकोसको उद्देश्य रहेको छ साथै सामाजिक कार्यलाई निरन्तरता दिने कुरामा संस्थाका अध्यक्ष शालिकराम ढकालज्यूले जोड दिँदै सम्पूर्ण रक्तदाता प्रति आभार व्यक्त गर्नु भयो ।
बिगत लामो समय देखी रक्तदान कार्यक्रमलाई यस संस्थाले वार्षिक कार्यक्रमको रुपमा राखेको छ र यस्ता सामाजीक कार्यक्रमलाई निरन्तरता दिने योजना रहेको छ ।
