मेची कोशी क्लस्टर प्रथमको ३१ औँ कार्यकुशलता तथा सिकाई व्यवस्थापन कार्यशाला गोष्ठीमा संस्थाको सहभागिता ।
एक्सेस मेची कोशी क्लस्टर प्रथमको ३१ औं कार्यकुशलता तथा सिकाइ व्यवस्थापन कार्यशाला इटहरा साकोस रतुवामाई ८ को आयोजनामा आयोजक संस्थाका अध्यक्ष श्री विनोद घिमिरेको अध्यक्षता,नेफ्स्कुन पूर्व कोषाध्यक्ष केशबप्रसाद पोखरेलको विशिष्ठ आतिथ्यतामा तथा उर्लाबारी नगरपालिकाका उप प्रमुख श्री मिनाकुमारी पौडेलको प्रमुख आतिथ्यता नेफ्स्कुनका कार्यक्रम अधिकृतहरु श्री कोमल राज अधिकारी, श्री सितल थपलिया र सौभाग्य भट्टराईको सहजीकरणमा एभरेष्ट रिसोर्ट उर्लाबारीमा सम्पन्न भएको छ । उक्त कार्यक्रममा मेची कोशी प्रथम व्याचका ७ ओटा सहकारीहरु साहारा नेपाल साकोस, इटहरा साकोस, रमाईलो जनएकता साकोस, मोरङ्ग साकोस, महिला साकोस,मनकामना साकोस र किसान कल्याण साकोसका संचालक तथा कर्मचारीहरुको उपस्थिती रहेको थियो । कार्यक्रम इटहरा साकोसका सचिव श्री डिल्लीराम गुरागाईंले सञ्चालन गर्नुभएको थियो ।
सो कार्यक्रममा बिशिष्ट अतिथि तथा प्रमुखअतिथिले कार्यक्रममा सहभागीलाई स्वागत गर्दै कार्यक्रम पूर्ण रूपमा प्रभावकारी बनोस् भनी शुभकामना व्यक्त गर्नुभएको थियो । कार्यक्रमका सभा अध्यक्ष विनोद घिमिरे ले पानसमा दीप प्रज्वलन गरी कार्यक्रमको उदघाटन गर्नु भएको थियो ।
सो कार्यक्रममा किसान कल्याण बचत तथा ऋण सहकारी संस्था लिमिटेडको को तर्फ बाट सञ्चालक समिति सदस्य युवराज खत्री, प्रमुख कार्यकारी अधिकृत पुष्कर बस्नेत, ऋण अधिकृत रमेश खतिवडा तथा बजार प्रवर्द्धन विभाग प्रमुख अनिस खड्काको सक्रियता पूर्वक सहभागीता रहेको थियो।
सो कार्यक्रमका बिशिष्ट अतिथी
केशव प्रसाद पोखरलले विश्व वित्तीय इतिहासमा सम्पूर्ण बैंक वित्तीय संस्थामा आर्थिक संकट हुँदा पनि सहकारी संस्थामा वित्तीय संकट नभएको धारणा राख्नु भयो ।
आगामी मिति २०७९ फाल्गुन १८ गते मेची कोशी क्लस्टर प्रथमको ३२ औँ कार्यकुशलता तथा सिकाई व्यवस्थापन कार्यशाला गोष्ठी साहारा साकोसमा टुङ्गो गरी सहभागीलाई मायाको चिनो हस्तान्तरण गरी कार्यक्रमका सभाध्यक्ष ज्यू बाट कार्यक्रम समापन भएको थियो ।
